«Ҳаж» квотаси 2020 йилдан босқичма-босқич ошириб борилади

Вазирлар Маҳкамасининг фуқароларнинг виждон эркинлиги ва диний эътиқодга бўлган конституциявий ҳуқуқларини тўлиқ таъминлаш, “Ҳаж” ва “Умра” тадбирларини ташкил этиш ва ўтказиш билан боғлиқ ишларнинг самарадорлигини янада ошириш, зиёратларни юқори савияда ва тизимли ташкил этиш ҳамда ушбу йўналишда бозор механизмларини жорий этиш мақсадида фармойиши қабул қилинди.

Ҳужжатда қайд этилишича, “Ҳаж” зиёратига борувчилар рўйхатини шакллантиришнинг амалдаги тартиби тўлиқ сақлаб қолинган ҳолда, уни янада такомиллаштириш бўйича таклифлар ишлаб чиқилади.

Бу борадаги ишларни амалга ошириш муддати – 2019 йил июнь, масъуллар – Дин ишлари бўйича қўмита, Ўзбекистон мусулмонлари идораси.

Шунингдек, ҳужжат билан “Ҳаж” квотасини 2020 йилдан босқичма-босқич ошириб бориш бўйича таклиф ишлаб чиқилади.

Амалга ошириш муддати – 2019 йил ноябрь. Масъуллар – Дин ишлари бўйича қўмита, Ўзбекистон мусулмонлари идораси.

Манба: Kun.uz

Javob berish

E-pochta manzilingiz chop etilmaydi. Majburiy ma'lumotlar * bilan belgilangan