“Меҳр-мурувват карвони” Қорақалпоғистонда

«Вақф» хайрия жамоат фонди ташкил қилингандан буён саховат ва меҳр-мурувват уйлари, касалхоналар, мактаб-интернатлар, ёрдамга муҳтож оилалар, боқувчисини йўқотган хонадонлар ва ногиронларга хайрия ёрдамларини қилиб келмоқда. Бу ҳақда ЎМИ Матбуот хизмати маълум қилди.

Фонднинг “Меҳр-мурувват карвони” бугун Қорақалпоғистоннинг Нукус шаҳрига етиб келди ва ушбу шаҳардаги “Имом Эшон Муҳаммад” жоме масжидида кам таминланган 100 нафар оилага озиқ-овқат маҳсулотлари, 15 нафар шахсга ногиронлик аравачаси, “Муҳаммад ал-Беруний” мадрасасида таълим олаётган барча талабаларга иссиқ кийим-кечаклар улашди ва мадрасадаги икки нафар талабанинг шартнома пулини тўлаб берди.

Шунингдек, Нукус шаҳрида истиқомат қилувчи 4 та хонадонни таъмирлаб бериши режалаштирилди ва масжид имом-хатибларига диний-маърифий китоблар берилди.

Вакиллик матбуот хизмати

Javob berish

E-pochta manzilingiz chop etilmaydi. Majburiy ma'lumotlar * bilan belgilangan